Русија подготвува севернокорејски војници за директно учество во битките против Украина, а се претпоставува дека силите на Пјонгјанг ќе влезат во борба против вооружените сили на Украина во правец на Курск, соопшти Главната разузнавачка управа (ГРУ) на Министерството за одбрана на Украина.
Во соопштението се наведува дека командата на севернокорејските единици веќе добила наредба да влезе во војна со Украина, како и дека неодамна добиле дополнителни залихи со храна, објави Украинскиот сојуз.
„Севернокорејските војници се подготвуваат за директно учество во непријателствата, на командата на севернокорејската армија во Русија и е наредено да комуницира со соседните руски единици кои спроведуваат борбени операции во регионот Курск“, соопшти ГРУ.