Обединетите нации соопштија дека една од нивните канцеларии во градот Газа била гранатирана , велејќи дека има „извештаи за загинати и повредени“ меѓу цивилите кои се засолнуваат таму.
„Ова е погрешно во секоја смисла. Секогаш мора да се штитат цивилите, цивилната инфраструктура и неповредливоста на објектите на ОН“, објави на платформата Х (Твитер) администраторот на Програмата за развој на Обединетите нации (УНДП) Ашим Штајнер.