„Рускиот претседател Владимир Путин може сам да одлучи за судбината на 100.000 цивили кои сè уште се заробени во Мариупол“, рече градоначалникот на градот.
Вадим Боjченко рече дека сателитските снимки од масовните гробници се „доказ дека Русите ги закопуваат телата во обид да го сокријат бројот на мртви“. Тој вели дека Мариупол се уште се бори, и покрај двомесечната опсада.
„Граѓаните кои не избегаа останаа без струја, парно и вода“, рече тој.
„Важно е да се разбере дека животите на цивилите во мојот град се во рацете на само една личност – Владимир Путин. И сите смртни случаи што ќе се случат исто така ќе бидат во негови раце“, изјави Бојченко за Ројтерс.
„Русија никогаш немаше план да го ослободи градот. Тоа беше план за уништување“, рече Бојченко.
Тој процени дека 90 отсто од пристанишниот град на југоисток е оштетен или уништен.