Словенија вечерва во текот на ноќта ќе ја зафати силно невреме, цела земја се подготвува за невреме и поплави. Ќе се излеваат поројни водотеци и помали реки, бројни предупредувања се издадени за следните 36 часа, пишува хрватски „Индекс“.
„Во почетокот веројатни се поројни поплави и поплави на помали реки, во петок во текот на денот и во сабота навечер можни се поплави на реките во Подравје, Помурје, Посавје, во сливовите на Савиња и Крка, Колпа и пошироко од централна Словенија“, предупредуваат експерти од Агенцијата на Република Словенија на Словенија за животна средина (АРСО).
Бранко Грегорчиќ од „АРСО“ наведува дека ова лето носи многу лоши временски услови и дека таков развој на времето не е виден одамна. Според него, денешниот развој ќе се разликува од оние во последните недели.
„Повеќе ќе потсетува на типот на есенски дожд, бидејќи циклонот над Словенија ќе се задржи 36 часа. Есенската динамика и изобилството на топлина и влага ќе донесат интензивни врнежи. Главно, тоа ќе бидат долготрајни интензивни врнежи кои можат да се појават во истите области“, вели тој.
Се проценува дека до сабота наутро ќе наврнат меѓу 50 и 100 литри дожд, некаде помеѓу 150 и 200 литри за помалку од 36 часа. Метеоролозите предупредуваат дека овие количини се типични за еден месечен период.
Со прогноза за обилни врнежи и можност за поплави, командантот на словенечката цивилна заштита Среќко Шестан издаде наредба за подготвеност на системот за цивилна заштита на целата територија на Словенија. Тој рече дека дополнително се опремиле доколку одредени општини останат без опрема. Шестан испрати и барање до сите жители на Словенија да го користат телефонскиот број 112 со претпазливост.
– Ги активирав командантите и замениците на регионалниот штаб да бидат во готовност, но и армијата, во спротивно може да се случи поради неитен повик да си ги доведеме животите во опасност – рече тој.