Американски и филипински армиски единици почнаа денеска голема заедничка воена вежба на Филипините во момент кога во регионот има тензии поради ситуацијата на Корејскиот Полуостров и територијални спорови во Јужно Кинеското Море.
САД учествуваат во вежбата со 4.000 војници, 32 авиони меѓу кои 12 авиони од типот Ф-18 и еден брод, а Филипини со 4.000 војници, 10 авиони и два брода.
Маневрите ќе траат девет дена и имаат за цел засилуавње на долгогодишната соработка во одбраната меѓу Вашингтон и Манила.
Левичарските активисти упатија критикии поради големата воена вежба и тврдат дека Филипини ќе бидат база на САД при еврнтуалната војна со Северна Кореја.