Голем пожар уништи денеска дел од главниот пазар во престолнината на Хаити, каде што стотици продавачи ги нудат своите производи.
– Десетици тезги на “Port market” во Порт-о-Пренс, огнот ги срамни до земја, а само неколку беа спасени – изјави портпаролот на полицијата Франц Леребур, додавајќи дека властите ја истражуваат причината за пожарот, во кој, според досегашните податоци, нема жртви или повредени.
Истиот овој пазар беше уништен во април 2010 година, само неколку месеци по катастрофалниот земјотрес во кој загинаа 300.000 луѓе, а стотици илјади останаа без своите домови.
Продавачите тогаш тврдеа дека пожарот бил предизвикан поради политички мотиви, иако полицијата никогаш не го реши случајот.