Најмалку 17 лица загинаа во затворски бунт во еквадорската покраина Есмералдас, на границата со Колумбија, според прелиминарните полициски податоци, објавија денес локалните медиуми.
Според првичните информации, конфликтот се случил меѓу сопернички групи затвореници, објави Ефе.
Еквадорското Министерство за внатрешни работи, како и затворската администрација, официјално не ја потврдија оваа информација.
Роднините на затворениците објавија на социјалните мрежи дека немирите избувнале синоќа, во 3 часот наутро по локално време.
Според локалната веб-страница Примисијас, се верува дека бројот на жртви од конфликтот е поголем.
Најновите немири следеа по судирот меѓу затворениците во понеделник во покраината Ел Оро, на границата со Перу.
Затворите се еден од епицентрите на кризата со насилство во Еквадор, со околу 600 затвореници убиени во казнено-поправните установи од 2021 година, главно во судири меѓу сопернички групи, според Ефе.
Ова е една од причините што го натера претседателот Даниел Нобу да воведе серија итни мерки во јануари 2024 година за борба против криминалот.