Расправата во бразилскиот Конгрес за големиот корупциски скандал на нафтениот гигант „Петробрас“ била на кратко прекината кога засега непознато лице пуштило во салата глувци, што предизвикало општ хаос.
Глодарите биле пуштени за време на обраќањето на членот на владејачката Работничка партија, Жоао Вакари Нето, кој е еден од 27-мината луѓе кои се обвинети за корупција и перење на пари во рамки на аферата во нафтената компанија, која изби пред 13 месеци. Пуштањето на глувците предизвика паника меѓу политичарите и новинарите.
Обезбедувањето веднаш го исфрлило од салата лицето одговорно за овој инцидент, чиј идентитет не е откриен. Глувците биле брзо фатени и расправата повторно продолжила.