Израелскиот министер за надворешни работи Гидеон Сар денеска изјави дека „Палестинците се повеќе заинтересирани да го уништат Израел“ отколку да основаат своја држава.
„Имаме непријател кој никогаш не го напуштил патот на поттикнување насилство. Она што вие го нарекувате Палестина е земја на Израел“, рече Сар како одговор на прашање на палестински новинар за време на конференцијата за безбедност во Минхен, објави „Тајмс оф Израел“.
Сар рече дека „една од целите на војната“ со Хамас во Газа е да се вратат сите заложници кои ги држи милитантното палестинско движење.