Белгискиот европратеник либерал Ги Верхофстат, кој ги води преговорите за Брегзит со Велика Британија во име на Европски парламент, изрази надеж дека до 2019 година ќе биде постигне договор за истапување на Лондон од ЕУ.
– Обединетото Кралство треба да го активира членот 50 (од Лисабонскиот договор) што е можно најбрзо, за да можеме да ги завршиме преговорите до 2019 година, истакна Верхофстат на прес-конференција во Стразбур.
Тој додаде дека ако Велика Британија сака да остане во единствениот пазар, Лондон треба да се согласи со слободно движење на европските граѓани.
Верхофстат истакна дека за ЕП четирите слободи на движење – на луѓе, на стока, на капитал и на услуги – се неделиви.