Германскиот претседател Јоаким Гаук на Авганистанците им вети поддршка од неговата земја по повлекувањето на странските армии во 2014 година, но инсистира на натамошни реформи во земјата, пренесе ДПА.
-Демократизацијата мора да продолжи, им кажа тој на новинарите по средбата со авганистанскиот претседател Хамид Карзаи во Кабул, и посебно повика за прогрес во еднаквоста на правата на жената во оваа земја.
Гаук посебно не ја спомена корупцијата во земјата, но додаде дека итниот економски развој е можен само со владеење на правото и почитување на слободата на информирање.