„Шега“, „Британски хумор“ – се дел од насловите на германските весници по објавувањето дека Борис Џонсон ќе биде нов британски министер за надворешни работи.
Со назначувањето на Кралот на Брегзитот за министер за надворешни работи, отпаѓаат сите сомненија околу фактот дека британската политика работи не за доброто на државата туку за лични амбиции за тактики за добивање власт и за вршење услуги, коментира Шпигел во текст со наслов – Одеднаш Џонсон стана дипломат. Весникот додава дека самиот Џонсон изгледа изненаден од назначувањето.
Џонсон – министер за надворешни? Тоа е типичен британски хумор, коментира Зидојче цајтунг.
Весникот Берлинер цајтунг пишува дека назначувањето на Џонсон е големо изненадување откако дел европски дипломати почнаа да зборуваат за крај на неговата политичка кариера.
Велт додава дека Џонсон ја нарекол Хилари Клинтон како „садистичка медицинска сестра“ и ја поистовети ЕУ со Хитлер.
И ставовите на германските политичари се речиси исти. Заменик претседателот на германската СДП Ралф Штегнер вели дека назначувањето на Џонсон за министер, Меј си ја ослабнала позицијата.