Повлекувањето на германските војници од Авганистан треба да биде преразгледано поради бранот бегалци кон Европа од таа земја, нагласи германскиот министер за економска соработка и развој Герд Милер во статијата објавена денеска во весникот „Пасауер ное пресе“, јави ДПА.
– Доколку не дејствуваме побрзо во Авганистан, ќе бидеме погодени од уште поголем бегалски бран оттаму, смета Милер.
– Милиони лица од таа земја си го спакувале багажот. Принципите на мандатот на НАТО и термините на повлекување на меѓународните сили треба да бидат преразгледани, пишува германскиот министер.