Како одговор на летот на руски беспилотни летала над територијата на Полска, членка на НАТО и ЕУ, Германија ќе го зголеми својот ангажман на источната граница на НАТО, објави владиниот портпарол Стефан Корнелиус.
„Германската влада, исто така, ќе го прошири воздушниот надзор над Полска, покрај постојните обврски во балтичките држави и Полска“, рече тој, според „Шпигел“.
Тој додаде дека германската влада ќе ја интензивира поддршката за Украина и „ќе работи кон брзо усвојување на силен 19-ти пакет санкции“ во рамките на Европската Унија.