Германската Сојузна агенција за заштита од радијација денеска информираше дека од 29 септември регистрира зголемено ниво на радиоактивниот изотоп рутениум 106 во воздухот над Германија, Италија, Австрија, Швајцарија и Франција.
Според соопштението на Агенцијата, зголеменото ниво на радијација регистрирано изминатата недела, не е опасно по здравјето на луѓето.
Портпаролот на Агенцијата, Јан Хенрик Лауер изјави дека не е познат изворот на радијацијата, но дека таа најверојатно доаѓа од источна Европа.
Изотопот рутениум 106 се користи за лекување на одредени видови на карциноми и како енергенс во сателити.