Германија ја обвинува Русија за провокација на границата со Украина

Од:

Германија денеска ја обвини Русија поради обид за провокација со распоредувањето на војници долж границата со Украина.

– Мојот впечаток е дека руската страна се обидува со се да предизвика реакција. Заедно со Украина, нема да бидеме вовлечени во оваа игра, изјави германската министерка за одбрана Анегрет Крамп-Каренбауер за националната телевизија АРД.

Зголеменото присуство на Русија на украинската граница предизвика загриженост на Западот во изминатите денови, со изјавата на САД дека бројноста на војската е на највисоко ниво од 2014 година, кога првпат започна војната со сепаратистите поддржани од Москва.

Москва соопшти дека испратила војска на своите западни граници за борбени вежби поради „заканите“ од трансатлантскиот сојуз НАТО.

Но, Крамп-Каренбауер изрази сомнеж во тврдењето на Москва.

– Ако станува збор за маневар како што тврди руската страна, постојат меѓународни процедури преку кои може да се создаде транспарентност и доверба, нагласи таа, додавајќи дека Германија многу внимателно ги следи случувањата.

Би можело да ве интересира

Анкета: Повеќето Германци против повластувања за вакцинираните против Ковид-19

Ана Ололовска

Шарл Мишел: Руската листа на непријателски земји ги нарушува дипломатските односи

Ана Ололовска

Берлин ја враќа Британија во списокот на држави со висок ризик од Ковид-19

Ана Ололовска

Москва ги замрзна банкарските сметки на Радио Слободна Европа/Радио Слобода

Ана Ололовска

Германија пак собори рекорд – во еден ден вакцинирани 1,35 милиони луѓе

Жарко Настоски

Меркел: Германија нема да толерира антисемитски протести