Антон Герашченко, советник на украинскиот министер за внатрешни работи, денеска на Твитер ја обвини Русија дека сака да предизвика хуманитарна катастрофа.
„Милиони Украинци би можеле да останат без струја, греење, вода и канализација оваа зима. Ова значи без болници, училишта и храна“, најави Герашченко, алудирајќи на последиците од насилните руски ракетни напади врз енергетската и друга критична инфраструктура на Украина.
„Во тој случај луѓето би се евакуирале во Европа за да преживеат и би се случила хуманитарна катастрофа. Тоа го сака Русија. Навремената испорака на противвоздушна одбрана може да ги попречи овие планови“, најави украинскиот претставник.