Генералштабот на вооружените сили на Украина денеска соопшти дека продолжуваат жестоките борби со руските сили околу Бахмут и Авдијeвка.
Украинскиот Генералштаб наведува дека руските сили продолжуваат да ги фокусираат своите главни напори на изведување офанзивни операции во правец на Лиман, Бахмут, Авдијевка и Маринка, пренесува Интерфакс Украина.
Се додава дека во текот на изминатиот ден биле одбиени повеќе од 40 напади на руските сили.
„Во насока на Бахмут, непријателот продолжува со офанзивните операции, обидувајќи се да преземе целосна контрола над градот Бахмут, жестоките борби продолжуваат“, се вели во соопштението.
На правците Запорожје и Херсон, според Генералштабот на Украина, руските трупи продолжуваат да воспоставуваат позиции.