Командантот на Централната команда на иранската армија „Хатам ал-Анбија“, генерал-мајор Али Абдолахи, денес предупреди дека иранските вооружени сили се подготвени решително, брзо и пропорционално да одговорат на секоја закана, нагласувајќи дека нема да дозволат, како што изјави, „искривување на фактите“ за ситуацијата на терен.
Во изјава по повод годишнината од основањето на Корпусот на исламската револуционерна гарда (ИРГЦ), тој нагласи дека Иран има значајни стратешки способности и високо ниво на оперативна подготвеност, објави „Тасним“.
Според него, иранскиот народ им дава силна поддршка на вооружените сили, кои, тврди тој, им нанеле сериозни удари на противниците во регионот, вклучувајќи ги САД и Израел.