Владата на Гана одлучи да ангажира 177 лекари од Куба, како замена за домашните лекари кои штрајкуваат и одбиваат да се вратат на работа, соопшти министерот за здравство на оваа западноафриканска земја, Алекс Сегбефиа.
Министерот не соопшти кога ќе дојдат Кубанците и од кога ќе се вклучат во државното здравство на Гана, кое е зафатено со штрајкот, но откри дека групата кубански лекари кои сега работат во оваа земја, а чии договори истекуваат. ќе остант на своите работни места.
Владата во Акра најави дека нема да попушти пред притисокот на лекарите, инистирајќи штрајкувачите прво да се вратат на работа, а потоа да се обноват преговорите, околу нивните барања.
„Нема да има плати (за лекарите), додека не се извршуваат работните задачи„- објасни министерот Сегбефиа.
Штрајкот полна на почетокот од неделата, а лекарите истакаа повеќе барања, а пред се, право на бесплатно постдипломско студирање, подобри услови при пензионирањето и зголемување на додатоците за облека, за гориво и за издржување.
Штрајкувачите бараат од владата да се согласи со бесплатно лекување во странство, за третман и за услуги што ги нема во Гана, а бараат и обезбедување бесцарински увоз на странски возила.