Весникот „Џакарта пост’’ денеска објави дека американскиот „Галуп’’ ја прогласил Индонезија за држава со најголема корупција во југоисточна Азија, што, според весникот, не е изненадување иако во последниве три години четворица министри, повеќе директори на големи државни претпријатија, па дури и гувернери на провинции се осудени на повеќегодишни затворски казни и голема финансиска казна.
Според експертите од индонезиската група за антикорупција, оценките на „Галуп’’ не се изненадувачки, а во пракса корупцијата е главна причина за воздржување на странските инвеститори од вложувања, иако е факт дека секоја инвестиција во Индонезија носи големи профити.
Невладината организација за борба против корупцијата, по вчерашното објавување на извештајот на „Галуп’’, го обвини и претседателот на заминување Јудихјоно, кој не се воздржувал на високи политичари и угледни бизнисмени од странство да им каже дека подмитувањето и корупцијата биле „стил на живот’’ во 250 милионската Индонезија.