Фронтекс соопшти денеска дека бројот на мигранти, кои пристигнале во Европа преку Медитеранот, е намален за речиси 50 отсто во јануари во однос на декември минатата година.
– Вкупно 4.400 мигранти пристигнале во Италија преку море, што е намалување за 16 отсто од пред една година и 46 отсто од декември минатата година, соопшти Фронтекс.
Главна причина, според нив, е студеното време над централниот дел од Медитеранот што предизвикало за 18 отсто помалку мигранти во јануари.
Бројот на илегално преминување граница во реонот на Западен Балкан во јануари е ист како и во декември минатата година, но за 96 отсто помалку во споредба со јануари 2016 година.