Францускиот претседател Франсоа Оланд вети дека ќе ја зајакне контролата над финансиите на официјаните лица и дека ќе се бори против даночните измами.
Само недела дена по обвинувањето на поранешниот министер за финансии Жером Каизак, за затајување на данок, претседателот вети немилосрдна борба против овие кривични дела, пренесе „Франс прес“.
Францускиот претседател најави и иницијатива со цел да се обнови довербата во државните официјални лица и поттикнување на борба против затајување на данокот, како и формирање нова и потполно независна владина управа која ќе врши контрола на имотите и потенцијалниот судир на интересите на министрите, парламентарците и другите официјални лица.
Француската влада веќе им наложи на министрите до понеделник да објават податоци за своите имоти, што важи и за другите официјални лица.
Елена Георгиевска