Саудискиот престолонаследник Салман ибн Абдел Азис го прими францускиот министер за одбрана Жан-Ив ле Дриан, кој е во посета на Саудиска Арабија, посветена на билатералната соработка во областа на одбраната и вооружувањето.
Наследникот на саудискиот престол, кој е и министер за одбрана, разговараше во Џеда со францускиот колега за „средствата за зајакнување на билатералните односи, како и за „настаните на регионалната и меѓународната сцена“.
Главни цели на посетата се прашањата за „билатералната соработка во областа на одбраната, на извозот и индустриските проекти“, соопшти тимот на францускиот министер.
Договор од над една милијарда евра за модернизирање на четири саудиски фрегати и два танкери е на пат да биде финализиран, додаде истиот извор.