Француската морнарица во брод на Медитеранот заплени рекордно количество од 20 тони канабис, во вредност од околу 50 милиони евра.
– Колку што знаеме, ова е најголемата заплена што француските власти ја извршиле на Медитеранот, изјави вицеадмирал Ив Џоли на прес-конференција во Тулон.
Француската морнарица го пресретнала бродот „Луна-С“, што пловел под знамето на Танзанија, во меѓународните води меѓу Сардинија и Алжир, пренесоа француските медиуми.
Осуммината членови на екипажот, кои изјавиле дека се државјани на Сирија, го запалиле канабисот и уништиле дел од товарот. Ним ќе им се суди во Франција, а им се заканува казна од најмалку 10 години затвор, доколку бидат прогласени за виновни.
Танзанија ја овласти Франција да го запре и истражи бродот, како и да ги распита осомничените, пренесува Танјуг.
„Луна-С“ исплови од Мароко и беше на пат за Египет.