Франција заплени 1,5 тони кокаин вреден 36 милиони евра

Од:

Француската царинска служба заплени 1,5 тони кокаин, чија пазарна вредност се проценува на 36 милиони евра, јави денеска весникот „Паризиен“, повикувајќи се на париското обвинителство.

Дрогата, спакувана во 30 пакети во вреќи, била откриена на 18 септември во камион запрен во градот Тур, во регионот Долина на Лоара.

Камионот се движел кон департманот Ивелин, во регионот Ил де Франс. Зад воланот бил 53-годишен холандски државјанин, кој е уапсен и против кого е отворена истрага.

Операцијата била изведена по дојава од француското Министерство за финансии, кое претходно добило информација за пратка наркотици испратена од Шпанија за Холандија преку Франција.

Француските власти укажуваат дека во последните години е зголемено количеството на запленета дрога, особено од пратки што преку Шпанија пристигнуваат од јужноамериканските наркокартели.

Често се користат транспортни компании кои наркотиците ги кријат меѓу легални стоки.

Би можело да ве интересира

Лекорни ја избра својата нова „екипа“

Колегите од Неврологија со писмо за подршка за докторот снимен со кокаин

Катерина Ѓуровски

Макрон: Планот за Газа мора да доведе до мир преку решение со две држави

Берже: Макрон ќе остане француски претседател до последниот момент од мандатот

„Њујорк тајмс“: Макрон би можел да го изгуби парламентот и да ја „фрли“ Франција во хаос

Сојузникот на Макрон го повикува да поднесе оставка за да може Франција достоинствено да излезе од кризата