Во пожар во работилница во која работеле хендикепирани лица на југозапад на Германија, погинаа 14 и повредени се уште седум лица, јавија германските медиуми.
Неколку лица биле отрстранети од работилницата и спасени бидејќи пожарникарите стигнале навреме на лице место.
Пожарот избил околу 14 часот по локално време и два часа подоцна се уште не бил изгаснат, наведуваат медиумите.
Според информации до кои дојдоа локалните медиуми, во магацинот од работилницата дошло до експлозија, но се уште е нејасно дали во магацинот имало складирано и хемикалии.
Портпаролот на локалните пожарникари, Маркус Штрауб, изјави дека за сега нема сигурни информации за тоа како пожарот ја зафатил зградата во малото место Титиси-Нештад, во близина на Фрајбург.
Центарот што го водела Каритас (организација на Католичката црква) вработувал околу 120 хендикепирани лица со психички или физички инвалидитет на работни места бравари, дрводелци и електричари, наведуваат медиумите.