Три пожари беснеат во американската држава Колорадо. Противпожарните служби не можат да ја стават под контрола огнената стихија поради високите температури.
Загрозен е и највисокиот мост, а изгореа и повеќе куќи недалеку од Колорадо спрингс.
Еден од пожарите беше предизвикан од молња, а беснее во близина на Националниот парк Карпести планини.
Дел од паркот и од околниот автопат се затворени, додека илјадници луѓе се евакуирани.