Демонстранти кои се против изборот на новиот мексикански претседател Енрике Пења Нието се судрија денеска со полицијата пред зградата на Конгресот, само неколку часа пред тој официјално да положи заклетва.
Стотици демонстранти удирале по високите железни столбови поставени околу зградата на Конгресот, фрлале камења, шишиња и петарди кон полицијата.
Повредени се најмалку шест полицајци. Полицијата возвратила со солзавец и употребила апарати за гаснење пожар за огнот кој го предизвикале молотовите коктели.
Досегашниот претседател на Мексико Фелипе Калдерон точно на полноќ му ја предаде власта на новоизбраниот шеф на државата Енрике Пења Нието на симболична церемонија во Националниот дворец во центарот на Мексико Сити.
Со положувањето заклетва, на власт, по 12 години, ќе се врати Револуционерната институционална партија, која претходно управувала со мексико 71 година.