Најмалку шест лица загина во невреме што минатата ноќ ја погоди германската сојузна држава Северна Рајна-Вестфалија, предизвикувајќи огромна материјална штета и хаос во сообраќајот, при што еден час беше затворен и аеродромот во Дизелдорф.
Невремето, проследено со грмотевици, поројни дождови и ветер кој на моменти достигал брзина и до 150 километри на час, зафати реон во кој живеат околу 18 милиони лица.
Германските медиуми јавуваат дека погоденото подрачје наликувало на воена зона, каде имало застои во сообраќајот, а некои патиштата биле непроодни поради дрва кои паднале на коловозите.
Властите апелира до жителите на ова подрачје да не излегуваат од своите домови, поради опасноста од удари на гром и од налетите на предмети носени од ветерот.
Поради невремето одделни делови на Дизелдорф неколку часа останаа и без струја.
Метеролозоте предвидуваат дека жариштето на невремето денеска ќе се помести кон централните и источните делови на Германија.
