Најстуденото место на Земјата е руското село Оимаикаон, каде што просечната температура во јануари изнесува минус 50 степени Целзиусови, а најниската забележана изнесувала дури минус 71 степен.
Ова е најниската температура забележана некогаш во некое населено место како и на целата северна хемисфера. 
Селото денес брои 500 жители, а настанало помеѓу 1920. и 1930. година.
Власитете на некогашниот СССР, при решавањето на проблемите на номадската популација и полесната контрола врз нив, ја создадоа оваа населба која се одржала до денес.
Повеќето домови во селото се греат на јаглен и дрва, а жителите се хранат со месо од коњи. Жителите овде навикнале на ниските температури, и не се жалат на ладното време или на огромните количини на снег кога сообраќајот воопшто не функционира. 
Единствено, во училиштата нема настава доколку температурата се спушти на 52 целзиусов степен под нулата. 
Примерот кој покажува колку жителите се издржиливи е тоа што повеќето од нив сеуште користат полски клозет во текот на целата зима и велат дека тоа не им претставува никаков проблем.