Некогашната кошаркарска звезда, Денис Родман, повторно е во посета на Пјонгјанг.
Во медиумите кружат шпекулации дека Родман ќе бара ослободување на Кенет Беа, кој што е осуден на 15 години затвор, поради тоа што се обиде да ја урне северно-корејската влада.
-Не одам во Северна Кореја за да преговарам за ослободување на Беа. Одам на уште една рунда „кошаркарска дипломатија“ – изјави тој, пренесе „Ројтерс“.
Поранешната звезда во текот на посетата на Северна Кореја во февруари од Ким Џонг Ун побара ослободување на американскиот државјанин.
Неговата посета беше во време на тензиите помеѓу Пјонгјанг и Вашингтон и не беше одобрена од американскиот Стејт департмент.
Кенет Беа, е уапсен во Северна Кореја во ноември. Врховниот суд го осуди на 15 години тешка работа поради наводно „непријателско дејствување“ против државата.
Елена Георгиевска