Пожарот кој зафати дел од американскиот национален парк Јосемити, е четвртиот најголем пожар во историјата на Калифорнија.
Пет од седумте регистрирани пожари во југозападната сојузна американска држава избувнале од 2007 година.
Огнот до вчера уништил 89.000 хектари во западниот дел на резерватот. Уништени се околу шест проценти од Јосемити.
Пожарникарите за време на викендот успеале да го забават напредувањето на огнот.
Приближно 5.000 пожарникари учествуваат во гаснењето на огнот, за што досега се издвоени повеќе од 60 милиони долари федерални и сојузни средства.
