Жителите на стотина куќи и на еден унверзитетски кампус се евакуирани поради најмалку пет шумски пожари што беснеат долж крајбрежјето на американската сојузна држава Калифорнија, северно од Лос Анџелес.
Огнената стихија која се шири брзо поради силниот ветер, досега уништени две куќи во округот Риверсајд и една фарма.
Според противпожарните служби, најгоелмиот од петте активни пожари избувнал вчера околу 6:30 часот по локално време (15:30 по средноевропско време) крај автопатот 101, на 16 километи од Тихиот Океан и набрзо се проширил досега уништувајќи над 2.630 хектари во близина на градовите Камарило и Њубари Парк, на околу 80 километри од Лос Анџелес.
Во гаснењето на пожарите се вклучени околу 500 прожарникари, шест хеликоптери и повеќе булдожери. Силниот ветер го оневзоможува летањето на авионите-канадери.