Сајтот „Vox“ објави мапа која покажува кога европските и неколку држави на Блискиот исток, последен пат се окупирани од некоја странска сила.
И покрај пропустите, мапата изобилува со интересни историски податоци. По Втората светска војна, Европа беше изненадувачки успешна во избегнувањето војни, а од крајот на Студената војна, главно избегнуваше странска окупација и освојувања.
Единствена современа европска држава која никогаш не беше окупирана е Велика Британија, бидејќи Англија, Велс и Шкодска се обединија и го формираа Обединетото Кралство во 1707 година.
Швајцарската политика на неутралност се покажа како многу ефикасен начин за спречување на странска окупација.
Иако е погрешно напишана, Југославија односно територијата на Србија последен пат е окупирана во 1945 година, а според мапата тоа го направила Германија. За поранешните републики Хрватска, Словенија и БиХ е наведена годината кога тие излегоа од Југославија.
За Црна Гора пак е наведена 2006 година, кога оваа држава со референдум се одвои од Србија.
Соединувањето на Крим со Русија и „игрите“ во источна Украина се закануваат дека ќе го загрозат договорот помеѓу европските држави, според кој недозволиво е да се водат војни за освојување на територија.
Е. Г.