Две лица се полесно повредени денеска за време на првата од серијата популарни трки со бикови во шпанскиот град Памплона, во рамки на чествувањето на Св. Фермин.
Во трката учествуваа неколку илјади „предизвикувачи на ѓаволот“ кои собраа храброст да трчаат пред шесте разбеснети бикови.
Претставник на локланите власи соопшти дека при трката едно лице си ја повредило раката, а друго го исчашило рамото.
За време на чествувањето на Св. Фермин неколку дена секое утро во осум часот шест бикови специјално обучени за борба, од кои некои тешки и по половина тон, и шест големи јунци, галопираат по 850 метри долгата тесна улица во стариот дел на Памплона, додека пред нив трчаат неколку стотици, воглавно млади, мажи.
По правило секоја година за време на трките со бикови се регистрираат од 200 до 300 повредени лица. Од 1924 година, од кога се води евиденција, при оваа манифестација загинале 15 лица.
