Како што пренесуваат медиумите, утринава се слушнале експлозии во Киев, Днепар и Лвов, во Одеса е прогласена воздушна опасност, а според информациите од теренот има мртви и ранети.
На социјалните мрежи беа објавени фотографии од веб-страницата „Флајтрадар“, која го следи движењето на авионите, цивилни и воени.
This is something I haven’t seen before. All Russian government aviation has turned off their transponders and are no longer trackable by the public or other commercial aviation. https://t.co/tIi4dMsuMt
— Petri Mäkelä (@pmakela1) October 10, 2022
Според извештаите, се чини дека руските воени авиони ги исклучиле своите транспондери, па тие не можат да се видат на цивилните радари, а не се видливи за другите авиони во близина.
Транспондерите служат како GPS сигнал, имаат единствена шифра која ја испраќаат до радарите и авионите околу нив за да имаат информации за кој авион се работи.
Авионите на руското воено воздухопловство ги исклучиле транспондерите, а според експертите ова е стандардна процедура кога сакате да ги прикриете борбените операции и се поставува прашањето што уште подготвува руската армија.
Бидејќи досега беа нападнати инфраструктурни цели, вклучително и метрото и термоцентралите, експертите претпоставуваат дека ќе продолжат нападите врз важни цели поврзани со војската, енергијата, логистиката, патиштата итн.