Финскиот премиер Јурки Катаинен синоќа соопшти дека во јуни ќе се повлече од функцијата, јави Танјуг.
Тој соопшти дека нема да се кандидира за нов мандат за претседател на конзервативната партија Национална коалиција, чиј конгрес се одржува во јуни, што во пракса значи дека тој веќе нема да биде премиер на Финска.
Катаинен, кој својата партија ја води повеќе од десет години, а коалициската Влада од 2011 година, рече дека повеќе е заинтересиран за задачи на меѓународен план, како на пример членство во Европската комисија или нешто слично.