Финскиот премиер Јуха Сипиле изјави дека е можно владата да се распадне откако коалицискиот партнер од конзервативната партија не даде согласност за реформи во социјалната и здравствена сфера до вчера кога помина крајниот рок за тоа.
Сипиле изјави синоќа дека преговорите меѓу трите владејачки партии од центарот ќе продолжат, но е „многу веројатно“ денеска да поднесе оставка до претседателот на државата.
Финскиот премиер нагласи дека ако не биде постигнат договор, најверојатно нема да свика предвремени избори туку би почнале преговори за состав на нова коалиција.