Финската министерка за меѓународен развој Хејди Хаутала, одговорна и за државните компании, денеска поднесе оставка. Таа призна дека нејзинот заменик и еден висок вработен во Министерството ја убедиле компанијата „Арктиа шипинг“ да го повлече обвинението против активисти на „Гринпис“, кои минатата година се качиле на два мразокршачи.
На државната фирма ѝ било предложено да го надмине спорот со „Гринпис“ по вонсудски пат. Самата Хејди Хаутала, член на Сојузот на зелените и многу блиска до „Гринпис“ и други еколошки организации, негира дека имала за цел да го заштити „Гринпис“. Премиерот на Финска Јурки Катаинен ја прифати оставката.