Словачкиот премиер Роберт Фицо наложи одржување директни контакти и со Москва и со Киев, нагласувајќи дека малите држави, во услови на глобална криза, мора да спроведуваат прагматична и избалансирана надворешна политика.
Toj рече денеска дека одржува директни врски и со рускиот лидер Владимир Путин и со украинскиот претседател Володимир Зеленски, додавајќи дека смета оти треба да се води нормален дијалог и со двајцата.
„Во ситуација кога светскиот поредок се урна, а воената сила стана единственото правило, малите земји како Словачка мора да дејствуваат многу прагматично и рационално, фокусирајќи се на дијалог и на надворешна политика насочена кон сите страни на светот“, рече Фицо во интервју за агенцијата ТАСР.
Фицо изјави дека во моментов не гледа доволна подготвеност во Европската унија за разговор за ставање крај на војната, бидејќи се чини дека блокот е повеќе склон кон пристапот за „постигнување мир преку сила“.
