Повеќе од 200 жртви на сексуална експлоатација се спасени за време на двонеделната операција низ САД, соопшти во вторникот Федералното биро за истраги (ФБИ), додавајќи дека се пронајдени и 126 осомничени за злосторствата.
Пронајдени се и 59 малолетни жртви на трговија со деца и сексуална експлоатација, како и уште 59 малолетници кои се пријавени како исчезнати, соопшти ФБИ.
„Трговијата со луѓе е сериозно кршење на човековите права што ги таргетира најранливите членови на нашето општество“, рече директорот на ФБИ, Кристофер Вреј, додавајќи дека таквите злосторства нема да се толерираат.