„Фајненшл тајмс“: САД ја уценува Украина со мировниот договор

Од:

Администрацијата на американскиот претседател Доналд Трамп ѝ навести на Украина дека безбедносните гаранции на САД зависат од тоа дали Киев ќе се согласи на мировен договор, што веројатно ќе бара од неа да го отстапи регионот Донбас на Русија, објави денес „Фајненшл тајмс“ (FT), повикувајќи се на осум лица запознаени со разговорите.

Вашингтон, исто така, посочи дека би можел да ѝ понуди на Украина повеќе оружје за да ја зајакне својата војска во мирно време ако Киев се согласи да ги повлече силите од делови од источниот регион што го контролира, објави „Ројтерс“.

Извор запознаен со ова прашање рече дека Соединетите Американски Држави не се обидуваат да наметнат никакви територијални отстапки врз Украина.

САД изјавија дека безбедносните гаранции зависат од тоа дали двете страни ќе се согласат на мировен договор, но дека содржината на мировниот договор зависи од Русија и Украина, додаде изворот.

Украинскиот претседател Володимир Зеленски пред два дена изјави дека документот за безбедносни гаранции на САД за Украина е „100 проценти подготвен“ и дека Киев сега чека време и место да го потпише.

Киев сака безбедносните гаранции да бидат потврдени пред Украина да отстапи која било територија на Русија, а, според неименувани извори во „Фајненшл тајмс“, САД веруваат дека Украина мора да се откаже од Донбас за да се стави крај на војната и не врши притисок врз рускиот претседател Владимир Путин да се откаже од тоа барање.

„Ова е целосно неточно, единствената улога на САД во мировниот процес е да ги зближи двете страни за да постигнат договор“, изјави заменик-портпаролката на Белата куќа, Ана Кели, за „Фајненшл тајмс“.

Кремљ вчера изјави дека прашањето за територијата останува фундаментално за секој договор за прекин на борбите во Украина.

Би можело да ве интересира

САД ја притискаат Украина да постигне мировен договор со Русија до јануари: Киев стравува од големи отстапки

Предраг Петровиќ

Зеленски: Постои огромна шанса за мир доколку САД навистина извршат притисок врз Путин

Трамп се соочува со тешка одлука

Трамп: Ќе биде тешко да се постигне договор за ограничување на нуклеарното вооружување

На Украина ѝ се потребни 115 милијарди долари за 2027 година

Трамп од авионот им се јавил на европските лидери и им испратил остра порака: „Путин е сериозен за мирот“