Европската унија не е подготвена да ја интегрира Украина, изјави францускиот министер за надворешни работи Лоран Фабиус по враќањето во Париз од Украина, каде престојуваше заради инаугурацијата на Петро Порошенко за претседател.
– Порошенко одржа еден црвст проевропски говор, можеби повеќе проевропски отколку што земјите од ЕУ се подготвени да прифатат, изјави синоќа Фабиус.
– Порошенко рече дека договорот за асоцијација со ЕУ е првиот чекор кон членството на Украина во ЕУ, но од разговорите што ги имав со европските партнери станува јасно дека мнозинството не се за тоа. Нашето убедување е дека треба да кажеме вака: Украина е во Европа, но Украина треба да има добри односи истовремено и со ЕУ и со Русија, истакна францускиот министер.