На годишната конференција за новинарите на Европскиот суд за човекови права, претседателот Гвидо Рајмонди направи биланс на 2018 година и притоа посочи дека на крајот од минатата година бројот на предметите кои очекуваат одлука од Судот изнесува 56 350, бројка речиси идентична со онаа на крајот на 2017 година (56250), јавува дописникот на МИА од Стразбур.
Оваа стабилност се должи на фактот што бројот на барања за судска формација во 2018 година изнесувал 43 100 предмети (во споредба со 63.350 во 2017 година), додека речиси истиот број (42 761) бил предмет на одлука или на пресудата (наспроти 85 951 во 2017 година). Претседателот Рајмонди притоа нагласи дека бројките во 2017 година биле особено погодени од големиот број жалби од Турција.
На прес-конференцијата, претседателот Рајмонди ја истакна важноста на принципот на супсидијарност, со што државите стануваат првите актери во заштитата на правата и слободите загарантирани со Европската конвенција за човекови права, што значи дека тие тие мора да играат целосна улога во системот на Конвенцијата.
Претседателот Рајмонди понатаму истакна дека главниот предизвик со кој се соочува Судот е доаѓањето на сложени случаи или на нови прашања: овие случаи не можат да им бидат доделени на Комитет од тројца судии, тие мора да се решаваат од страна на Совет на судии. составен од седум судии.
Претседателот, исто така, истакна дека Судот воспоставил посебна, неспорна фаза за сите договорни држави, со цел да се олесни решавањето на случаите со спогодување меѓу жалителите и државата.
На прес-конференцијата, ЕСЧП, исто така, беше објавен годишниот извештај за активностите и статистика за 2018 година.
Годишната табела на прекршувања по земја покажува дека државите со најголем број на пресуди во кои се наоѓа најмалку една повреда на Европската конвенција за човекови права се Руската Федерација (238 пресуди) , Турција (140), Украина (86), Романија (71) и Унгарија (35). , За Република Македонија во 2018 година имало 12 пресуди во сите овие 12 пресуди имало кршење на Конвенцијата.
На 31 декември 2018 година, поголемиот дел од предметите кои очекуваат пресуда или одлука од ЕСЧП се насочени против Руската Федерација (20,9%), потоа Романија (15,1%), Украина (12,9%), Турција (12%, 6%) и Италија (7,2%). Од Република Македонија има 339 премети од кои чекаат на пресуда во Стразбур.