Европскиот суд за човекови права денеска ја осуди Франција поради „понижувачки и недостоен третман“ на еден 12-годишен Авганистанец, при дислоцирањето на дивиот мигрантски камп во градот Кале, попознат како „џунглата“, во 2016 година, јави дописникот на МИА.
Во овој камп престојуваа околу 10 000 мигранти, кои се надеваа дека од Кале ќе успеат да заминат преку Ламанш во Велика Британија.
Малолетниот Авганистанец, за кого се однесува пресудата, според Судот, повеќе месеци „живеел во целосно неприлагодена средина на неговите детски години и во неприфатлива сиромаштија за неговата возраст“.