Руските власти ги прекршија правата на опозицискиот лидер Алексеј Навални со тоа што го држат во куќен притвор уште од 2014 година, пресуди денеска Европскиот суд за човекови права.
Како што јави ДПА, Судот смета дека со изрекувањето на куќен притвор на Навални во февруари 2014, руските власти сакале да ги спречат неговите политички активности.
Ова е трета пресуда на Европскиот суд со која се осудува куќниот притвор на Навални и втора во која се оценува дека неговата казна е политички мотивирана.
Руски суд во декември 2014 години ги прогласи Навални и неговиот брат за виновни под обвинение за измами. Претходно, во 2013 година Навални беше осуден на пет години затвори поради наводна корупција.
Куќниот притвор на Навални му беше изречен во февруари 2014 година, кога беше проведен под обвинение за организирање забранети јавни собири. Ваквата казна на Навални му беше изречена набрзо откако беше прифатена неговата кандидатура за градоначалник на Москва за локалните избори.