Претседателката на Европската комисија, Урсула фон дер Лајен, денеска ќе го презентира најновиот пакет санкции против Русија, кој ќе бара од земјите-членки да одобрат нови ограничувања насочени кон танкерите за нафта и финансиските институции, објави Политико.
Веста ја потврди главната портпаролка на Комисијата, Паула Пињо. „Можеме да потврдиме дека Комисијата усвои нов пакет санкции против Русија“, рече таа.
Се очекува фон дер Лајен и шефицата за надворешна политика на ЕУ, Каја Калас, да ги изложат деталите од предлогот подоцна во текот на денот. Се очекува новите мерки да вклучуваат дополнителни листи на таканаречени бродови од „флотата во сенка“ кои транспортираат руска нафта, кршејќи го ограничувањето на цените утврдено од Г7.
Ова е 19-тиот пакет санкции воведени врз Русија од нејзината инвазија на Украина. Се очекува пакетот да ги прошири ограничувањата на кинеските компании, наводно поради притисок од американскиот претседател Доналд Трамп.
Дополнително, треба да се презентира предлог за постепено укинување на увозот на руски гас до почетокот на 2027 година, што е цела година порано од оригиналниот план.