Европскиот парламент денеска повика да се одложат преговорите за Брегзит, откако предупреди дека „не е постигнат доволен напредок” во клучните области, вклучувајќи ги и правата на граѓаните и т.н. „сметка за разводот“.
Европратениците со големо мнозинство ја поддржаа Резолуцијата во која се вели дека не е постигнат доволен напредок во врска со клучните прашања за излегувањето на Велика Британија од ЕУ.
Тие предупредија дека сега е потребен „голем напредок” за да се обноват разговорите.
Гласањето претставува удар за британската премиерка Тереза Мај, која се надеваше дека нејзиниот говор во Фиренца ќе делува како катализатор во разговорите за идните односи меѓу Велика Британија и Брисел, оценува „Индепендент“.