Министрите за надворешни работи на земјите-членки на ЕУ денеска во Брисел одлучија да го прошират списокот со физички или правни лица кон кои се воведени санкции поради украинската криза.
Листата на санкционирани е проширена со 13 руски државјани или проруски ориентирани физички лица, како и против две компании со седиште на Крим.
Поради кризата, ЕУ досега воведе санкции против 48 руски и украински граѓани. На нив им е забранет влез во земјите на ЕУ, а нивните сметки во европските банки се замрзнати.